काठमाडौँ / ५ माघ । राष्ट्रिय गौरवको आयोजना मध्येको एक बुढी गण्डकी जलविद्युतमा अहिलेसम्म ४३ अर्ब खर्च भएको छ। गोरखा र धादिङ जिल्लाको सिमानामा रहेको १२ सय मेगावाटको आयोजनामा अहिलेसम्म ४३ अर्ब खर्च भइसकेको छ ।
शुक्रवार राष्ट्रिय सभाको राष्ट्रिय सरोकार तथा समन्वय समितिको बैठकमा ऊर्जा, जलश्रोत तथा सिँचाइ मन्त्री शक्ति बहादुर बस्नेतले यो आयोजनालाई अगाडि बढाउन सरकारले आवश्यक कामहरू गरिरहेको बताए। आर्थिक वर्ष २०७९/८०को अन्तसम्म मुआब्जा वितरण, अध्ययन र अन्य खर्च समेत ४३ अर्ब रकम खर्च भइसेकेको उनले बताए ।
पहिलो चरणमा निर्माण कार्यका लागि तयारी कार्यहरू सडक, पुल, क्याम्प जस्ता निर्माण कार्य गर्ने, दोस्रो चरणमा ड्याम निर्माण सम्बन्धी कार्यहरू गर्ने र तेस्रो चरणमा इन्टेक, पावर हाउस, इलेक्ट्रिक मेकानिकल, ट्रान्समिसन लाइन सम्बन्धी कार्यहरू गर्ने प्रस्ताव भएको उनले बताए।
Your Opnion