काठमाडौँ / २० पुस । सिटिजन्स बैँक इन्टरनेसनल लिको एकल ऋण लगानी गर्ने गरी प्रदेश नंं. १ को ईलाम जिल्ला साविक समलबुङ र जिर्मले गाविस (हालको सूर्योदय नगरपालिका र रोङ गाँउपालिका) मा निर्माण हुने सिद्घि हाइड्रोपावर कम्पनी लि. प्रवर्द्धक रहेकोे १० मेगावाट क्षमताको सिद्घि खोला जलविद्युत आयोजनामा प्रवर्द्धक कम्पनी र बैँकबीच पौष १९ गते बिहिबारका दिन वित्तीय व्यवस्थापनका लागि सम्झौतामा हस्ताक्षर भएको छ ।
बैंकका प्रमुख–कन्सोटियम/इन्फ्रास्ट्रक्चर बैंकिंग युनिटका रोशन मल्ल र कम्पनीका प्रबन्ध संचालक सन्तोशराज नेपालले हस्ताक्षर गरेका छन । परियोजनाको अनुमानित लागत करीब १ अर्ब ७३ करोड (निर्माण अवधीको व्याज बाहेक) मा बैंकले ७५:२५ को ऋण : स्वपुँजी अनुपातमा १ अर्ब २९ करोड बराबरको ऋण लगानी गर्नेछ भने निर्माण अवधीको व्याज सहित बांकी लागत प्रवर्द्धकहरुबाट स्वपुँजी जुटाइने छ । सो आयोजनाले आगामी २.५ वर्ष भित्र निर्माण सम्पन्न गरी विद्युत उत्पादन गर्ने लक्ष्य रहेको छ । कम्पनीका अनुसार आयोजनाबाट हिउँदमा ८.८०५ गिगावाट घन्टा र बर्षामा ४६.९११ गिगावाट घन्टा गरी बार्षिक ५५.७१६ गिगावाट घन्टा विद्युत उत्पादन गरिने बैकद्वारा जारी विज्ञप्तीमा भनिएको छ ।
सिटिजन्स बैंक इन्टरनेसनल लिमिटेडले देशैभरी फैलिएका आफ्ना १९० वटा शाखा, १५१ वटा ए.टि.एम. र ९७ वटा शाखा रहित बैंकिङ्ग ईकाईहरुबाट १६ लाख ९६ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।
Your Opnion