काठमाडौँ  / ९ भाद्र। राष्ट्रिय मानव अधिकार आयोगले धरानमा सामाजिक सद्भाव कायम राख्न आग्रह गर्दै वार्ताका माध्यमबाट समस्याको समाधान खोज्न र सामाजिक सद्भाव कायम राख्न अपिल गरेको छ ।

धरान उपमहानगरपालिका क्षेत्रमा केही दिनअघि गोरु काटेको र मन्दिर अगाडि चर्च बनाएको विषयलाई लिएर स्थानीयले आज र्‍याली निकाल्ने तयारी गरेपछि प्रशासनले निषेधाज्ञा जारी गरेको थियो ।

साम्प्रदायिक, सामाजिक, सांस्कृतिक एवम् राजनीतिक हिंसा भड्किन सक्ने भन्दै आयोगले आफ्नो टोलीले अनुगमन गरिरहेको जनाएको छ ।

संवैधानिक व्यवस्थाका साथै संयुक्त राष्ट्र संघको बडापत्र, मानव अधिकारको विश्वव्यापी घोषणापत्र तथा नेपाल पक्ष राष्ट्र भएका महासन्धिका व्यवस्थाहरूलाई समेत आत्मसात गर्दै सामाजिक सद्भाव कायम गर्नुरगराउनु सबैको कर्तव्य हुन आउँछ, आयोगले विज्ञप्ति जारी गर्दै उल्लेख गरेको छ, साम्प्रदायिक हिंसा भड्कन सक्ने र शान्ति सुरक्षा खलबलिन सक्नेतर्फ संवेदनशील हुँदै संयमता अपनाउन एवम् सामाजिक सद्भाव कायम राख्न आयोग सबै पक्षलाई अपिल गर्छ विज्ञप्तीमा भनिएको छ ।