काठमाडौँ / ४ भाद्र । रुपन्देही जिल्लाको कञ्चन गाउँपालिकाले समयमै काम पूरा नगर्ने निर्माण कम्पनीलाई जरिबाना गरेको छ ।

निर्माण व्यवसायीले समयमै काम सम्पन्न नगर्ने, काम पर धकेल्ने र योजनाको लागत बढाउने गरेको गुनासो आइरहेका बेला समयमा काम सम्पन्न नगर्ने कम्पनीलाई जरिबाना गरिएको हो ।

कञ्चन गाउँपालिकाका अध्यक्ष नवराज ढकालले पालिकाको पछिल्लो विकास निर्माणको सक्रियताले कञ्चन गाउँपालिका आर्थिक अनुशासन र भ्रष्टाचार विरुद्ध शून्य सहनशीलताको बाटोमा अघि बढेको बताएका छन् ।

पालिकाका प्रमुख प्रशासकीय अधिकृत सागर गौतमले समयमै काम सम्पन्न नगर्ने प्रवृत्तिविरुद्ध पालिका निर्मम ढङ्गले प्रस्तुत हुने बताए ।

छ वटा निर्माण कम्पनीलाई पहिलो पटक भएकाले पाँच सयदेखि पाँच हजारसम्म जरिबाना गरिएको हो ।