आज (शनिबार) विश्वभर सहर दिवस मनाइँदै छ । ‘समृद्धि र सुखी जीवनको आधारः हाम्रा समुदाय र सहर’ भन्ने नाराका यो दिवस मनाउन लागिएको हो ।

नेपालमा पनि भर्चुअल माध्यमबाट विभिन्न कार्यक्रम गरेर यो दिवस मनाइदे छ । सहरहरुलाई जलवायु परिवर्तनको मारबाट कसरी बचाउने भन्ने चुनौती पछिल्ला वर्षहरुमा बढ्दै गइरहेको छ ।

दिवसको अवसरमा शुभकामना दिँदै सहरी विकासमन्त्री कृष्णगोपाल श्रेष्ठले विकासको मुख्य आधार योजनाबद्ध सहरीकरण भएको बताएका छन् ।

गत वर्ष ‘विश्व परिवर्तनः आविष्कार र भावी पुस्ताका लागि उत्तम जीवन’ भन्ने नाराका साथ यो दिवस मनाइएको थियो ।