भक्तपुरमा मेलम्ची खानेपानी वितरण सुरु - Engineers Post
ND Engineering & Builders (P) LTD.
× Home Main News Post Special Global Jobs Nea election
  तथ्यांक
कुल इन्जिनियर :६४६२०  : सिभिल : २७७६२ / इलेक्ट्रिोनिक्स एन्ड कम्युनिकेसन : ८७४० / कम्युटर : ८७१० / मेकानिकल : ६१३६ / आर्किटेक्ट :२६०४ / इलेक्ट्रिकल : २९७३ / इलेक्ट्रिकल एन्ड इलेक्ट्रोनिक्स : २३७१ / इन्र्फमेसन टेक्नोलोजी :१०३३ / एरोन्यूटिकल : ५३९ / इन्डस्ट्रियल : ४९२ / बायोमेडिकल : ४२६ / एग्रीकल्चर :४१७ / जियोमेटिक्स : ३६३ / इलेक्ट्रोनिक्स : २८४ / इन्र्भारमेन्ट : २६२ / अन्य : ८०७ /  स्रोतः नेइका
Development

भक्तपुरमा मेलम्ची खानेपानी वितरण सुरु

भक्तपुरको मध्यपुरठिमी क्षेत्रमा मेलम्ची खानेपानी वितरण सुरु भएको छ । मध्यपुरठिमी नगरपालिका–९ टिगनीस्थित खानेपानी ट्यांकीमार्फत बुधबारदेखि उक्त खानेपानी वितरण सुरु गरिएको हो ।

भक्तपुरका क्षेत्र नं. २ का सांसद एवं पूर्वमन्त्री महेश बस्नेत र मध्यपुरठिमी नगरपालिकाका प्रमुख मदनसुन्दर श्रेष्ठले बुधबार संयुक्त रूपमा उद्घाटन गरी मेलम्चीको पानी स्थानीयवासीलाई वितरण सुरु गरिएको हो । केही दिनभित्रै मध्यपुरठिमी क्षेत्रमा दैनिक ३० लाख लिटर मेलम्चीको खानेपानी वितरण हुने भएको छ ।

मध्यपुरठिमीभित्र पानीको अभाव भएका लोकन्थली, कौशलटार, गठ्ठाघर, बालकुमारी, चपाचो, नगदेशलगायतका ठाउँलाई प्राथमिकतामा राखी खानेपानी वितरण गर्ने जनाइएको छ । त्यसैगरी नीलबराहीमा थप पानी ट्यांकीसमेत निर्माण हुनेछ ।

मध्यपुरठिमी नगरपालिकाको करिब ४ करोड र खानेपानी बोर्डको गरी करिब ६ करोडमा नयाँ पाइप लाइन विस्तार भएको र करिब १९ करोडको लागतमा ट्रयाक लाइन विस्तार गरिएकाले मध्यपुरठिमीमा मेलम्चीको पानी चुहावटको सम्भावना कम हुने बताइएको छ ।

Your Opnion

//