रानी पोखरी दुःख विसाउने बनाउने मल्ल प्रतापलाई
के थाहा भोलि थकित जीवन ठाउँ बन्न पुगिन्छ भनेर
भात्री विहिनहरुको बह बिसाउन मध्य भागको शिव मन्दिर
साक्षी बिफल जीवनको अढेस झ्वाम्लाङग हुन्छ भनेर

एसियाको ठूलो भनिएको त्यो टुंडिखेल लम्चिलो चउर
खन्ड-खन्डमा बिभक्त अंशवन्डा र कंक्रिट जंगल बन्छ भनेर
वातावरणमा व्यापार तीर्थजलमा मलमूत्र जूठयान पानीको अम्बार
खुम्चियो खुम्चियो झन मनै खुम्चियो मन जंगल क़ंक्रिटको देखेर यो कान्तिपुर

आफन्तलाई भेट्न जाँदा पराया परायैको घेराउमा पाउँदा पुगें लाग्छ दूर दूर
घर भित्रको भयो लुते कुकूर घर बाहिरका आइ च्यात्छन यहाँ शान्ति च्यार्र चूर
सिमा मिचिइन्छ टुलु टुलु हेरिन्छ कोठामा झ्यालबाट पस्दछ मृत्युको मोतिचूर
नदीको मुहानीमा शक्तिको छेलो खेलो हुन्छ चुप लाग्दछ सरकार बहादुर !!!

मीनभवन / नयाँ वानेश्वर