काठमाडौँ /  १ असोज । राष्ट्रकवि माधवप्रसाद घिमिरेको पुण्यस्मृतिमा उहाँकी धर्मपत्नी श्रीमती महाकाली घिमिरे तथा पुत्रद्धय इन्दिवर घिमिरे र राजीव घिमिरेद्धारा राष्ट्रकवि संरक्षक हुनुभएको संस्था मर्स्याङ्दी वाङ्मय प्रतिष्ठानको नाममा रु.१६ लाख अक्षयकोषमा राखिने भएको छ ।

सो रकमबाट प्राप्त हुन आउने ब्याजबाट प्रतिवर्ष एक लाखका दरले नेपाली भाषा र साहित्यको क्षेत्रमा उल्लेखनीय योगदान पुर्याउने श्रष्टा र साधकलाई पुरस्कार एवम् सम्मान अर्पण गर्ने गरी आज प्रतिष्ठानको तर्फबाट अध्यक्ष विजयराज न्यौपाने र राष्ट्रकविको परिवारको तर्फबाट उहाँकी धर्मपत्नी श्रीमती महाकाली घिमिरेद्वारा समझदारीपत्रमा हस्ताक्षर गरी पुरस्कार स्थापना गर्ने घोषणा गरिएको छ।

राष्ट्रकवि घिमिरेको जन्मदिनको अवसरमा हरेक वर्ष आश्विन ७ गते अर्पण गरिने उक्त पुरस्कारको व्यबस्थापन मर्स्याङ्दी वाङ्मय प्रतिष्ठानले गर्ने भएको छ ।