काठमाडौँ / १८ भाद्र ।काठमाडौँ महानगरपालिका, शहरी योजना आयोगले आयोजनामा आधारित करियर क्याम्प कार्यक्रम सञ्चालन गर्ने भएको छ ।

उक्त कार्यक्रम अन्तर्गत अर्वान प्लानिङ, सिभिल इन्जिनियरिङ्ग तथा आर्किटेक्चर अध्ययन गरेकाहरुले रोजगारीको अवसर पाउने छन् ।

त्यस्तै यी तीन विषयमा स्नातक तह उतिर्ण भएकाहरुलाई ९ महिनाको लागि पूर्णकालिन प्रशिक्षार्थीको रुपमा लिई महानगरपालिकाले अवसर दिने भएको हो ।

महानगरपालिकाले सञ्चालन गर्ने आयोजनाहरुको संरचनागत प्रारुप तयारी गर्ने, ड्रइङ डिजाइन र लागत अनुमान तयार गर्ने तथा निर्माण कार्यहरुको सुपरिवेक्षण तथा प्रतिवेदन तयार गर्ने काममा खटाइने छ ।

यश कार्यक्रमको मुख्य उद्देश्य प्रशिक्षार्थीहरुले शहरी विकास तथा शहरीकरणको वर्तमान अवस्थाबारे जारी गराउने र वृत्ति विकासका लागि सिकाइका अवसर प्रदान गर्ने बताइएको छ ।

इच्छुकहरुले १५ दिनभित्र काठमाडौँ महानगरपालिकाको वेवसाइटबाट आवेदन दिन महानगरले आह्वान गरेको छ ।