काठमाडौँ / १५ भाद्र । फेसबुकमा लेखे बापत ताली र गाली दुवै पाउने पूर्व सचिव ई. भिम उपाध्यायका विषयमा हिमाल खवर पत्रिकाले एउटा लामै खोजी रिपोर्टिङ प्रकाशित गरेपछि अहिले सामाजिक सञ्जाल तातेको छ ।

हिमाल खवर पत्रिकाको रिपोर्टिङ्ग बारे उपाध्याय लेख्छन्- हिमाल खबरलाई मेरो दुष्प्रचार गर्नुपर्ने नौबतसम्म पनि आएछ, धन्यवाद। तर, मेरो हजारौँ असल काम र पीडित दुखित विपन्नहरूलाई पुऱ्याएको सेवाहरूका बारेमा एउटा काम पनि उसको फुटेको ऑखाले के देख्थ्यो ? मेरो असल भाव सहित देश र जनताको सेवाको कामलाई लेख्ने हो भने उसको पूरै संस्करणले पनि थाम्न सक्ने छैन।

उनी सामाजिक सञ्जालमा लेख्दै भन्छन्- हिमाल खबरभन्दा म कम लोकप्रिय र विश्वसनीय छैन, डाहा लागेको होला। उ भन्दा बढी नै समाज सेवा गरेको छु, एक पैसा पनि नलिई। मैले उ जस्तो निहीत स्वार्थका लागि मिशन पत्रकारिता गरेको पनि छैन। सोसल मिडिया के हो मसंग सिकोस्।

म एक जनाले करोडौँको लगानीमा चलेका ठूलो टिम लिएर यस्ता मिडिया भन्दा बढी प्रभावकारी काम गरेको दाबा गर्छु। हिमाललाई भन्दा जनताले मलाई बढी पत्याउछन् होला। पोलिंग गरौँ म चुनौती दिन्छु। हिमाल खबर मिडिया जगतमा झन ठूलो दुष्प्रचारक हो। उनी हिमाल खवर पत्रिकालाई चुनौती दिंदै भन्छन्- मैले गरेका सामाजिक काम र हिमालले गरेका सामाजिक कामको तुलाना गरौं ।