काठ्माण्डौर २९ असार । ट्रेड युनियन काँग्रेस जिल्ला शाखा सिन्धुपाल्चोकका अध्यक्ष ईश्वरी न्यैपानेको नेतृत्वमा हिजो जिल्ला प्रशासन कार्यलाय सिन्धुपाल्चोकका प्रमुख जिल्ला अधिकारी रमेश न्यौपाने समक्ष ज्ञापनपत्र बुझाएको छ ।

७७ जिल्लामा एकसाथ श्रमिकहरुका माग सम्बोधन गर्न दबाव दिने हेतुले उक्त ज्ञापनपत्र बुझाईएको युनियनले जनाएको छ । श्रमिकको न्यूनतम ज्याला २५ हजार कायम गर्नुपर्ने, योगदानमा आधारित सामजिक सुरक्षा अनिर्वार्य गरिनुपर्ने, स्थानिय तहमा श्रमिकको पञ्जिकरण गरिनुपर्ने, श्रम आयोग गठन गर्नुपर्ने र नीति निर्माणको तहमा श्रमिकको प्रतिनिधित्व गरिनुपर्ने लगायतका माग राखिएको थियो ।