काठमाडौं- हाल मात्र ई. तेजराज गिरी पुर्वाञ्चल बिश्वबिद्यालय स्कुल अफ इन्जिनियरिङ को डाइरेक्टर पदमा ४ वर्षका लागि नियुक्त भएका छन् ।
यस अघि उनले सोही बिश्वबिद्यालयको सह- परीक्षा नियन्त्रकको रुपमा काम गरीसकेका छन् । गिरीले कलेज बाहेक खेलकुद, शिक्षा तथा सामाजिक लगायतका थुप्रै क्षेत्रमा पनि काम गर्दै आएका छन् ।
सोही अनुरुप त्रिवेणी वाचनालय विराटनगर -१ का कार्यवाहक सभापतिको कार्यभार पनि सम्हाल्दै आएका छन् । त्यस्तै गिरी पोखरीया बचत तथा ऋण सहकारी संस्था लि. का संचालक समेत हुन् ।
गिरीले भने, “ आफू सह परीक्षा नियन्त्रक हुँदा पनि बिश्वबिद्यालयको इन्जिनियरिङ क्षेत्रको परीक्षा प्रणालीलाई सुधार गर्न सफल भएको र अहिले पद बहाली पश्चात इन्जिनियरिङ क्षेत्रलाई अझ बलियो र सुदृढ बनाउनको लागि काम गर्नेछु । ”
साथै पछिल्लो समयमा स्कुल अफ इन्जिनियरिङ तर्फ विद्यार्थीहरुको लगाव बढ्दै गएकोले पनि यसलाई उच्च महत्वका साथ अगाडी बढाइने बताए । यसका साथै पुर्वान्चल बिश्वबिद्धालय को सह- परिक्षा नियन्त्रक पदमा ई.अजय कुमार साह पनि नियुक्त भएका छन् ।
Your Opnion