महोत्तरीको गौशाला नगरपालिका गरिएको सडक कालोपत्रे गुणस्तरहिन भएको पाइएको छ ।
निगौल चोकदेखि मरहा पुलसम्म रातारात गरिएको सडक कालोपत्रे गुणस्तरहिन भएपछि स्थानीयले विरोध जनाएका छन् । सो सडकको कालोपत्रे उप्किएपछि आक्रोससहित स्थानीयले विरोध जनाएका छन् ।
तिरुपति बालाजी कन्स्ट्रक्सनले सडक डिभिजन कार्यालय जनकपुरधामको ८० लाख रुपैयाँको लागतमा कालोपत्रेको ठेक्का पाएको थियो ।
स्थानीयले निर्माण कम्पनीले वर्षाको समयमा कालोपत्रे गरेको आरोप लगाएका छन् । हिलाम्य बाटोमा कालोपत्रे गरेको उनीहरुको भनाइ छ । ११ सय मिटर लम्बाइ र ६ मिटर चौडाइ रहेको सो सडकमा निर्माण कार्य स्थानीयको विरोधपछि रोकिएको छ ।
सडक निर्माणको मापदण्डअनुसार नयाँ सडक निर्माण गर्दा डाइभर्सन गर्नुपर्ने र बेसको वरिपरि कम्तीमा २ फिटसम्म ग्राभेल हालेर मात्र सडक कालोपत्रे गर्नुपर्ने उल्लेख छ । तर, ठेकेदार कम्पनीले मापदण्ड पुरा नगरी कालोपत्रे गरेको स्थानीयको आरोप छ ।
Your Opnion