इन्जिनियरिङ अध्ययन संस्थान (आइओई) अन्तर्गतका विद्यार्थीहरु आन्दोलित भएका छन् । आइओईका निजी क्याम्पसमा अध्ययनरत विद्यार्थीहरु अनलाइन कक्षाको शुल्कमा छुट हुनुपर्ने माग राख्दै आन्दोलनमा उत्रिएका हुन् ।
विद्यार्थीहरुले कलेजको सेवा–सुविधाको प्रयोगबिना शुल्क बुझाउनुपरेको भन्दै आन्दोलनमा उत्रिएका हुन् । कलेजहरुले गत वर्षदेखि अनलाइन कक्षामार्फत पढाइ भएको अवस्थामा १० प्रतिशत शुल्क मिनाहा गर्दै आइरहेका छन् ।
तर, विद्यार्थीले भने ३५ प्रतिशतसम्म शुल्क मिनाहा हुनुपर्ने माग राख्दै आइरहेका छन् । आइओईले परीक्षा तालिका सार्वजनिक गरिसकेको अवस्थामा विद्यार्थीहरु तयारीमा लाग्नुको साटो आन्दोलनमा लागेका हुन् ।
साथै, विद्यार्थीहरुले आइओईले हतार–हतार परीक्षा तालिका सार्वजनिक गर्दा त्रुटी भेटिएकाले आइओईको विश्वश्नीयतामाथि पनि प्रश्न उठाएका छन् ।
सबै विद्यार्थी संगठनहरु एक भएर कतिपय कलेजमा आमरण अनशनसमेत बसेका छन् भने कतिपय कलेजमा दबाबमुलक गतिविधि गरिरहेका छन् । विद्यार्थीले तत्काल आफ्ना माग सम्बोधन गरेर परीक्षा तयारीको वातावरण बनाइदिनसमेत आग्रह गरेका छन् ।
Your Opnion