अमेरिकी आर्किटेक्चरल कम्पनी एननिड आर्किटेक्ट्सको डिजाइनमा संसारकै ठूलो खगोलीय संग्राहलय निर्माण भएको छ । उक्त खगोलीय संग्राहलय चीनको सांघाइमा बनेको हो ।
नयाँ स्मारक समेत भनिएको उक्त संग्राहलय आगामी जुलाई १८ देखि सञ्चालनमा आउने बताइएको छ । आर्किटेक्टहरूले सीधा रेखाबिना उक्त संग्राहलयको डिजाइन गरेका छन् ।
ब्रम्हान्ड र खगोलीय गतिविधिबारे जानकारी दिने र रिसर्च गर्ने उद्देश्यले उक्त संग्रालयको निर्माण गरिएको हो । करिब ३९ हजार वर्ग क्षेत्रफलमा फैलिएको उक्त संग्राहलय सांघाइ साइन्स एन्ड टेक्नोलोजी म्युजियमको नयाँ शाखा हो भने संसारकै ठूलो संग्राहलय हो ।
उक्त संग्राहलयमा प्रयोग गरिएको आर्किटेक्चरल डिजाइनमार्फत ओकुलस, डोम र स्फेयर गरी आर्किटेक्चरल सिद्धान्तका मुख्य तीनवटा विषयवस्तुको व्याख्या गरिएको बताइएको छ । जसमार्फत खगोलीय उपकरणले सूर्य, चन्द्रमा र ताराहरूको गतिविधि अध्ययन गर्न र हेर्न सकिने बताइएको छ । –एजेन्सी
Your Opnion