चौथो राष्ट्रिय सूचना तथा सञ्चार प्रविधि दिवसका अवसरमा ‘डिजिटल नेपाल फ्रेमवर्क २०७६’ लाई रुपान्तकारी आयोजनाको रूपमा अघि बढाइएको छ । प्रधानमन्त्री केपी शर्मा ओलीले दिवसका अवसरमा आइतबार आयोजित भर्चुअल कार्यक्रमबीच उक्त जानकारी दिएका हुन् ।
उक्त आयोजनाअन्तर्गत डिजिटल फाउन्डेसनलगायत शिक्षा, स्वास्थ्य, कृषि, पर्यटन, शहरी पूर्वाधार, वृत्तसहित ८० ओटा डिजिटल पोर्टल निर्माण गरिएको छ । कार्यक्रममा सूचना प्रविधि सम्बन्धी विधेयक संघीय संसद्मा पेस भइसकेको बताउँदै प्रधानमन्त्री ओलीले औपचारिक रूपमा उद्घाटन भएका नागरिक एप्सको दिगो, गुणस्तरीय एवं प्रभावकारी रूपमा सञ्चालन गर्न निर्देशनसमेत दिए ।
डिजिटल नेपाल फ्रेमवर्क र नागरिकि एप्स प्रविधिमार्फत देशैभरिका सबै सरकारी सेवालाई एकै ठाउँमा उपलब्ध गराउने कोसिस भइरहेको र प्रविधिको बढ्दो प्रयोगले विकासको व्यवस्थापन, सार्वजनिक सेवा, सूचना प्रवाह र सामाजिक अन्तरक्रियामा आधारभूत परिवर्तन आएको समेत ओलीले बताए ।
Your Opnion