नेपाल इन्जिनियर्स एसोसिएसन (नेईए) को ३३ औँ कार्य समितिको बैशाख २४ गतेका लागि तोकिएको निर्वाचन सरेको छ ।

पछिल्लो समय देशमा कोभिड–१९ संक्रमण बढ्दै गइरहेको भन्दै नेईए कार्य समितिले निर्वाचन सार्ने निर्णय गरेको हो ।

नेईएका अध्यक्ष ई. प्रा.डा. त्रिरत्न बज्राचार्य र महासचिव ई. छविराज पोख्रेलद्वारा जारी गरिएको विज्ञप्तिमा भनिएको छ, ‘कोभिड–१९ को दोस्रो लहरको संक्रमणको जोखिमलाई मध्यनजर गर्दै नेपाल सरकारको मन्त्रिपरिषद्को बैशाख ६ गतेको निर्णय बमोजिम अर्को सूचना जारी नहुञ्जेल निर्वाचनको सबै प्रक्रिया स्थगन गरिएको छ ।’

नेईएले निर्वाचन सारेको प्रति क्षमा माग्दै भनेको छ, ‘निर्वाचनको आगामी तिथी तथा अन्य प्रक्रिया र विधिको बारेमा यथाशीघ्र निर्वाचन समिति तथा सरोकारवाला पक्षहरुसँगको राय तथा सुझावका आधारमा निर्णय गरी जानकारी गराउने व्यहोरा सूचित गरिन्छ ।’