नेपाल इन्जिनियर्स एसोसिएसन (नेईए) को ३३ औं कार्य समितिका लागि बैशाख २४ गते तय गरिएको निर्वाचनमा देखिएको उम्मेदवारी विवाद टुंगो लगाउन अहिले जिल्ला प्रशासन कार्यालय ( जिप्रका) मा बैठक बसिरहेको छ ।

बैठकमा नेईएका अध्यक्ष, निर्वाचन समितिका संयोजकले नेईएको प्रतिनिधित्व गरेका छन् भने जिप्रकाको तर्फबाट सीडीओ, सहायक सीडीओ लगायतको प्रतिनिधित्व छ ।

निर्वाचन समितिले गरेको आफ्नै निर्णय विपरित आफूहरुहको उम्मेदवारी खारेज गरिएको भन्दै एक पक्षले जिप्रकामा उजुरी दिएको थियो । जिप्रकाले नेईएमै मिलेर आउनका लागि दुई दिनको समय दिए तापनि मिल्न नसक्दा आज बैठक बसिरहेको छ । यस विषयमा आजै कुनै निर्णय आउने विश्वास गरिएको छ ।