सुदूरपश्चिमाञ्चल विश्वविद्यालयमा इन्जिनियरिङ अध्ययनरत विद्यार्थीहरुको संस्था इन्जिनियरिङ विद्यार्थी समाजले कोभिड–१९ ले देशको अवस्था फेरि जटिल मोडमा पुर्याउन थालेकाले शैक्षिक प्रणालीमा सुधार गर्न माग गरेको छ ।
समाजले पढाई र परीक्षा प्रणालीमा सुधार गर्दै नयाँ उपाय अपनाउन माग गर्र्दै एक विज्ञप्तिसमेत जारी गरेको छ । सुदूरपश्चिमाञ्चल विश्वविद्यालयमा पनि विधिन्न संकायमा कोभिड संक्रमण फैलिएको उल्लेख गर्दै समाजले यसतर्फ सचेत बनाएको छ ।
समाजका अध्यक्ष विरेन्द्र सिंह बडाल र महासचिव सागर थापाद्वारा जारी गरिएको विज्ञप्तिमा भनिएको छ, ‘पठनपाठक र परीक्षाको वैकल्पिक सिकाइका प्रभावकारी उपायहरु अपलम्बन गरी तत्काल लागू गर्न माग गर्दर्छौँ ।’
पछिल्लो वर्ष कोभिडका कारण परीक्षा एक वर्ष पछाडि सरेको र अहिले पनि त्यस्तो अवस्था नआउला भन्न नसकिने भएकाले अनलाइन परीक्षा प्रणालीको तयारी गर्नुपर्ने माग राख्दै केही समयदेखि विभिन्न विश्वविद्यालयले विद्यार्थी समूहले विज्ञप्ति जारी गरिरहेका छन् ।
Your Opnion