नयाँ मिटर जडान गर्दा ५ हजार घुस लिने विद्युत प्राधिकरणका यी ४ कर्मचारी ! - Engineers Post
advanced college of engineering
× Home Main News Post Special Nation Jobs
  तथ्यांक
कुल इन्जिनियर : ६१३०० : सिभिल : २४०७४ / इलेक्ट्रिोनिक्स एन्ड कम्युनिकेसन : ८२३९ / कम्युटर : ७६९३ / मेकानिकल : ४९५६ / आर्किटेक्ट : २३९२ / इलेक्ट्रिकल : २६०४ / इलेक्ट्रिकल एन्ड इलेक्ट्रोनिक्स : २०५१ / इन्र्फमेसन टेक्नोलोजी :८१५ / एरोन्यूटिकल : ४९६ / इन्डस्ट्रियल : ४४० / बायोमेडिकल : ४२६ / एग्रीकल्चर : ३८२ / जियोमेटिक्स : ३६३ / इलेक्ट्रोनिक्स : २८४ / इन्र्भारमेन्ट : २६२ / अन्य : ८०७ /  स्रोतः नेइका
Nation

नयाँ मिटर जडान गर्दा ५ हजार घुस लिने विद्युत प्राधिकरणका यी ४ कर्मचारी !

नेपाल विद्युत प्राधिकरण, सखुवा वितरण केन्द्र, अन्तर्गत ढल्केवर नोलाइट धनुषामा कार्यरत ४ कर्मचारीले संयुक्तरुपमा ५ हजार घुस लिएको खुलेको छ । सुपरभाइजर जगत नारायण साह, इलेक्ट्रिसियन यम कुमार महतो, ज्यालादारी प्राविधिकको रुपमा कार्य गर्ने नवल किशोर राउत र मनोहर कुमार महतोले नयाँ मिटर जडान गर्ने क्रममा सेवाग्राहीसँग अतिरिक्त रकम माग गरेका हुन् ।

अख्तियार दुरुपयोग अनुसन्धान आयोगको कार्यालय बर्दिवासबाट गएको टोलीले सेवाग्राहीबाट ५ हजार अतिरिक्त रकम लिइसकेको अवस्थामा उक्त रकमसहित उनीहरुलाई नियन्त्रणमा लिएको थियो ।

अनुसन्धानको क्रममा चारै जनाको सहमति, संलग्नता एवं मिलेमतोमा नवल किशोर राउतमार्फत सेवाग्राहीको नाममा दर्ता रहेको पोल्ट्री फर्ममा विद्युत मिटर जडान गराई दिएवापत घुस लिएको पुष्टिसमेत भएको छ । अख्तियारले उनीहरुलाई कानुन बमोजिम कारबाहीको माग गर्दै शुक्रबार विशेष अदालत काठमाडौंमा मुद्दा दायर गरेको छ ।

Your Opnion

//