नासाको रोबोट मंगल ग्रहमा पुर्याउने यी इन्जिनियर - Engineers Post
advanced college of engineering
× Home Main News Post Special Nation Jobs
  तथ्यांक
कुल इन्जिनियर : ६१३०० : सिभिल : २४०७४ / इलेक्ट्रिोनिक्स एन्ड कम्युनिकेसन : ८२३९ / कम्युटर : ७६९३ / मेकानिकल : ४९५६ / आर्किटेक्ट : २३९२ / इलेक्ट्रिकल : २६०४ / इलेक्ट्रिकल एन्ड इलेक्ट्रोनिक्स : २०५१ / इन्र्फमेसन टेक्नोलोजी :८१५ / एरोन्यूटिकल : ४९६ / इन्डस्ट्रियल : ४४० / बायोमेडिकल : ४२६ / एग्रीकल्चर : ३८२ / जियोमेटिक्स : ३६३ / इलेक्ट्रोनिक्स : २८४ / इन्र्भारमेन्ट : २६२ / अन्य : ८०७ /  स्रोतः नेइका
Technology

नासाको रोबोट मंगल ग्रहमा पुर्याउने यी इन्जिनियर

नासाका वैज्ञानिकको समूहले पर्सिभेरेन्स रोभरलाई मंगल ग्रहमा पुर्याए । उक्त समूहकी सह–नायिका थिइन्, क्यानडा मुलकी इन्जिनियर फराह अलिबे ।

वैज्ञानिकहरुको टिमले उक्तग्रहमा रोभर अवतरण हुनुलाई अलिबेले सुरुवाती चरण भनेकी छन् । ‘सफलतापूर्वक मंगल ग्रहमा रोभर अवतरण गराउनु पक्कै गाह्रो काम थियो’ उनले भनेकी छन्, ‘हाम्रो टिमले सम्भव पारेको त्यो काम निकै उल्लेखनीय छ । रोभरलाई त्यहाँ अवतरण गराउँदा आफू पनि मंगल ग्रहमा पुगेझै महसुस भएको थियो ।’

मिसन पुरा गर्न नासाको टिमले विभिन्न चुनौतिको सामना गर्नुपरेको थियो । मंगल ग्रहमा जीवनको खोजी गर्नु सामान्य नरहेको इन्जिनियर अलिबे सुनाउँछिन् । ‘पृथ्वीबाट मंगल ग्रहमा जीवन अस्तित्वको खोजी गर्ने मिसन निकै कठिन रह्यो’ उनी भन्छिन्, ‘मिसनको रोभर अवतरणका लागि हामीले पूर्वतयारी र पूर्व योजनासहित काम गर्यौँ । दिनरात नभनी काम गर्यौँ । हरेक सेकेण्डको योजना तयार हुन्थ्यो ।’

मंगल ग्रहको पर्सिभेरेन्स यात्रा अवधिभर अलिबे दैनिक १ घण्टा ल्याबमा काम गर्थिन् भने बाँकी समय योजना बनाउने र अवलोकन गर्ने गर्थिन् । यसरी आफूहरुले सफलतापूर्वक मंगल ग्रहमा रोभर अवतरण गराएको उनी बताउँछिन् ।

‘पर्सिभेरेन्स मिसन आफैमा मिसनभित्रको मिसन थियो’ उनी सुनाउँछिन्, ‘मिसन पुरा गर्ने जिम्मा मेरो काँधमा थियो । मेरो सहयोगले पर्सिभेरेन्स सफलतापूर्वक अवतरण भयो ।’

पृथ्वीबाट उडेको करिब सात महिनापछि हालै मंगल ग्रहमा अवतरण गरेको पर्सिभेरेन्सले मंगल ग्रहमा विभिन्न तस्बिर खिचेर पृथ्वीमा पठाउने गरेको छ । –एजेन्सी

Your Opnion

//